Institucione të shumta shtetërore nuk janë të kapshme për gazetarët kur ata kërkojnë informacione të karakterit publik apo qëndrime mbi çështje që janë me interes të gjerë.
Pavarësisht se çdo institucion posedon ekip për marrëdhënie me publikun, gazetarët me javë të tëra presin nga institucionet të marrin përgjigje për çështje të caktuara, transmeton Alsat M.
Nga Instituti i Mediave të Maqedonisë thonë se pavarësisht se ndër premtimet kryesore të Qeverisë Zaev ishte transparenca e institucioneve, ajo nuk po gjen zbatimin e duhur.