Me rastin e Ditës Botërore të Vallëzimit – 29 prillit, Ansambli i këngëve dhe Valleve “Ilirida” në Shkup do të sjellë festivalin e parë folklorik për fëmijë “Brez pas brezi”, njofton Portalb.mk.
Festivali do të nis në ora 17:00 në Sheshin Skënderbeu të Çarshisë së Shkupit e ndërkaq aktivitetet e manifestimit do të nisin prej pra 14:00 me defile që do të mbahen duke u nisur nga Çairanasja për të vazhduar në Çarshinë e Shkupit dhe përfunduar në Sheshin Skënderbeu.
Pjesëmarrës në manifestimin “Brez pas brezi” janë: Ansambli ”Iiliria”, Ansambli ”Bajram Tushi”- Vlorë, Ansambli ”Dëshmorët e Kombit”- Obiliq, Ansambli ”Bajram Shabani”- Kumanovë, Ansambli ”Kemajl Azizi”- Viti, Ansambli ”Shqiponja”- Saraj, Ansambli ”Xheladin Zeqiri”- Tetovë dhe Ansambli ”Emin Duraku”- Shkup i cili njëherit është edhe mysafir special.
