Fondacioni Metamorphosis shpall ftesë për paraqitje të pjesëmarrësve që janë të interesuar të kalojnë nëpër trajnim tremujor për gazetari qytetare në internet. Pjesëmarrësit do të kenë mundësi të mësojnë shkathtësi për krijimin e informatave multimediale, por edhe të njoftohen me rregullat për krijimin e përmabjtjeve në ueb, nëpërmjet trajnimit dhe punës me ekspertë nga kjo lëmi.
Procesi i krijimit të qytetarëve-gazetarë do të përbëhet nga dy faza. Në fazën e parë të gjithë pjesëmarrësit do të kalojnë nëpër trajnim për mësimin e shkathtësive nga fusha e gazetarisë qytetare në internet, në mes të cilave:
- Krijimin e përmbajtjeve dhe publikimin e tyre në ueb: Gazetari hulumtuese, rregullat për shkrim në ueb, rregullat për përdorshmëri dhe lexueshmëri, publikimi i përmbajtjeve në ueb.
- Puna me audio inçizime në internet: Përdorimi i pajisjeve për inçizim, përpunimi i audio inçizimeve, publikimi i audios në ueb.
- Puna me fotografi në internet: Kompozimi i fotografisë, përdorimi i pajisjeve të ndryshme për fotografim, përpunimi i fotografive, publikimi i fotografive në ueb.
- Puna me video inçizime: Inçizimi i video përmbajtjeve, përpunimi i video materialit, publikimi në ueb, përpunimi dhe publikimi i slajd-kasteve.
- Mediumet sociale: Përdorimi i mediumeve sociale për identifikimin dhe gjetjen e informatave, promovimi i përmbajtjeve, interaksioni dhe tërheqja e publikut.
- Të drejtat autoriale: Termet themelore nga lëmia e të drejtave autoriale, kërkimi i përmbajtjeve në ueb, Creative commons.
Faza e dytë e trajnimit do të jetë proces mentorial tremujor, ku çdo pjesëmarrësi do t’i caktohet një mentor me të cilin do të punojë në zbatimin dhe avancimin e shkathtësive të mësuara në ciklin e parë. Mentorët që do të punojnë me pjesëmarrësit janë gazetarë me përvojë dhe ekspertë nga fusha e gazetarisë qytetare në internet.
Për më shumë informata, vizitoni: http://metamorphosis.mk/sq/aktivitete/2195-povik-za-prijavuvanje-na-uchestvo-vo-tromesechna-obuka-za-gragjani-novinari