Kryeministri i Shqipërisë, Edi Rama deklaroi se nuk kishte pse të negociohej me Kosovën për tarifën në Rrugën e Kombit. Ai tha gjithashtu se patriotizëm është ta paguash këtë tarifë dhe jo e kundërta.
Këtë të hënë, kryetarja e LSI-së, Monika Kryemadhi e cilësoi këtë deklaratë një fyerje të rëndë që u është bërë shqiptarëve, përcjell albinfo.ch.
“Edi Rama dhe oborri i tij arrogant, të mbyllur në kullat e oligarkëve nuk e kuptojnë që sot shqiptarët janë ngritur kundër regjimit skllavërues që ai po instalon. Fjala e tij para shqiptarëve ishte jo vetëm një fyerje që u bëhet banorëve të Kukësit, por edhe një shprehje e qartë e anti-kombëtarizmit të tij që i trajton kosovarët si klientë të pazareve të oligarkëve të tij”, deklaroi Kryemadhi.
Kryetarja e LSI-sa tha në një konferencë për mediat se opozita distancohet nga kjo dhe se e bashkuar do të dorëzojë në Kuvend kërkesën për përjashtimin e kryeministrit.
“Qëndrimi ynë do të jetë vendimmarrje në funksion të mënyrës së sjelljes së këtij Kryeministri”, shtoi Monika Kryemadhi.