Pas zhurmës së shkaktuar ditët e fundit për trukimet në sport, UEFA ka marrë një vendim për skuadrën e Skënderbeut. Plot 10 vite përjashtim nga aktivitetet europiane ka qenë vendimi që ka marrë UEFA. Vendimi erdhi sipas kërkesës së komisarëve në Komisionin e Etikës dhe Disiplinës në UEFA, për çështjen e trukimeve, njofton Syri.net.
Dënimi është bërë zyrtar në datën 21 mars dhe është publikuar nga syri.net. Siç duket nga ky vendim, përveç dëminit 10-vjeçar, korçarët janë dënuar edhe me një gjobë prej 1 milion euro. Skëndërbeu, megjithatë, ka 60 ditë afat për ta kundërshtuar vendimin që ka tronditur klubin dhe të gjithë sportin shqiptar.
