Në Gjykatën Penale sot duhet të mbahet seancë gjyqësore për rastin “Tenk” të Prokurorisë Speciale Publike, transmeton Portalb.mk.
Ky rast ka të bëjë me keqpërdorimin e detyrës zyrtare dhe autorizimit nga ana e ish-ministres së Punëve të Brendshme, Gordana Jankullovska dhe shefit të furnizimeve publike Gjoko Poposki si dhe ish-kryeministri, Nikolla Gruevski, gjegjësisht për blerjen e Mercedesit luksoz me vlerë mbi gjysmë milionë euro, me çka i kanë shkaktuar dëm buxhetit shtetëror
Në seancën e kaluar, në të cilën si zakonisht, Gruevski në gjykatë hyri i fundit ku u dëgjuan dëshmitarët, nga të cilët dy të punësuar në Ministrinë e Punëve të Brendshme (MPB), ndërsa tjetri në Auto mak Star. Dy dëshmitarët e MPB-së thanë se në periudhën kur është furnizuar mercedesi kanë marrë pjesë në hapjen e dokumentacionit të tenderit, duke theksuar se ka pasur vetëm një ofertë. Ato u shprehën se nuk dinë detaje të tjera. Ndërsa dëshmitari i tretë i kompanisë para gjykatës tha se nuk ka informatë për furnizimin e veturës sepse në përgatitje të ofertës ka punuar kolegu i tij, ndërsa ai është lutur që në mënyrë digjitale ta nënshkruajë ofertën që të mund të realizohet.
Seancën e kaluar nuk u paraqit dëshmitari i katërt i cili ishte i ftuar, ai duhet të dëshmojë sot.