Pas mosdekretimit të ligjit të gjuhëve nga presidenti i Maqedonisë, Gjorge Ivanov, kryetari i Kuvendit të Maqedonisë, Talat Xhaferi sot ka deklaruar se veprimi është në kundërshtim me Kushtetutën e Maqedonisë. Sipas Xhaferit, Ivanov e ka patjetër të dekretojë ligjin e gjuhëve, njofton Portalb.mk.
“Neni 85 i Kushtetutës së Maqedonisë është i qartë dhe pas votimit të serishmi të ligjit me shumicë të deputetëve, siç është rasti me ligjin në fjalë, presidenti i Maqedonisë është i obliguar ta nënshkruajë ligjin që i njëjti të vihet në zbatim, në të kundërtën bën shkelje të Kushtetutës”, tha Xhaferi.
- LEXO: Me shumë tensione në Kuvend, u miratua ligji për përdorimin e gjuhëve (VIDEO)
- LEXO: Ivanov refuzon dekretimin e ligjit të gjuhëve, ja përse
Xhaferi nuk deshi të komentojë se çfarë do të ndodh me ligjin e gjuhëve.
“Unë nuk do ta komentojë se çfarë do të ndodh, apo si do të ndodh”, tha Xhaferi megjithatë, sipas ekpertëve juridik që komentuan për Portalb.mk, nëse Ivanov nuk e dekreton ligjin, i njëjti mund të dekretohet nga Gjykata Kushtuese e kurse, Ivanov meqë bën shkelje të Kushtetutës së Maqedonisë, pasi t’i skadojë mandati, mund të ndiqet penalisht.