Në Vjenë të Austrisë më 10 mars 2007, përfunduan bisedimet për statusin përfundimtar të Kosovës mes shqiptarëve dhe serbëve, por pa ndonjë marrëveshje.
Siç përkujton Telegrafi, të pranishëm ishin krerët e Kosovës Fatmir Sejdiu, Agim Çeku, Kolë Berisha dhe të tjerë dhe të Serbisë Boris Tadic, Vojislav Koshtunica dhe të tjerë, si dhe i dërguari i OKB-së për statusin, Marti Ahtisari.
Ahtisari shprehu keqardhje që nuk është arritur asnjë marrëveshje. Ai edhe njoftoi se dokumenti përfundimtar për statusin e Kosovës do t’i dërgohet Këshillit të Sigurimit të OKB-së në fund të këtij muaji.
Albert Rohan, bashkëpunëtor i Marti Ahtisari i dorëzon OKB-së propozimin e Ahtisarit për statusin e Kosovës, 15 mars 2007. Plani direkt propozon pavarësi për Kosovën.