Nga aeroporti i Shkupit mbrëmë është larguar përmendorja e Aleksandrit të Madh, pasi para disa ditëve ishte hequr edhe mbishkrimi “Aleksandri i Madh”.
Përmendorja në aeroport ishte vendosur në vitin 2011 pasi TAV u bë koncensioner.
Vendimi për riemërtimin e aeroportit dhe të autostradës, ishte marrë në seancën e Qeverisë në fillim të shkurtit të këtij viti, ndërsa në shenjë të vullnetit të mirë dhe ngrohjes së marrëdhënieve me Greqinë.
Aeroporti i Shkupit e mori emrin “Aleksandri i Madh” në dhjetor të vitit 2006, me vendim të Qeverisë paraprake. dy vjet më vonë edhe autostrada ishte emërtuar në Aleksandri i Madh”.
Emri i ri në aeroportin është Aeroporti Ndërkombëtar “Shkupi”, ndërsa i autostradës “Miqësia”.
Ndryshe, para disa ditëve NP “Rrugët e Maqedonisë” në terren i hoqën tabelat e komunikacionit me emrin e deritanishëm të autostradës “Aleksandri i Madh” në Korridorin 10, ato tabela sipas vendimit të Qeverisë duhet të zëvendësohen me të reja që do ta mbajnë emrin “Miqësia”.
Vendimi për ndërrimin e emrit të Aeroportit të Shkupit dhe autostradës vjen pas takimit të kryeministrit, Zoran Zaev me homologun e tij grek, Aleksis Cipras në Davos të Zvicrës.