Më shumë se 30 persona, katër prej të cilët fëmijë kanë humbur jetën, ndërsa mbi 300 janë lënduar në tërmetin me intensitet prej 7,6 ballë sipas shkallës Rihter që e ka goditur pjesën qendrore të Papua Guniesë së Re.
Nga tërmeti janë goditur provincat Lartësitë Jugore dhe Hella në qendër të ishullit më të madh të shtetit të Oqeanit Paqësor.
“Epiqendra e tërmetit ka qenë 560 kilometra nga kryeqyteti i Papua Guinesë së Re, Port Morsbi, në thellësi prej 35 kilometrave, kumtoi Instituti gjeofizik i SHBA-së.
Supozohet se të paktën 13 persona kanë humbur jetën në Mendi, kryeqytet i provincës Lartësitë Jugore, ndërsa 18 të tjerat në rajonin e Kutubu dhe Bosave.
Prifkti katolik Pius Hall deklaroi se gjatë tërmetit kanë humbur jetën katër fëmijë, ndërsa një fëmijë, së bashku me prindërit e tij janë ngujuar nën rrënoja.
Kompanitë e minierave, mes të cilave edhe amerikania “Ekson Mobajl” (ExxonMobil) kumtuan se i vlerësojnë dëmet, ndërsa disa firma evakuojnë një pjesë të personelit.
Sipas aktivistit Martin Namorong gazrat e dëmshme dhe tubat për mbeturina nga xehet kanë shkaktuar derdhje serioze helmuese.