Bota bashkëkohore në të cilën bën pjesë dhe Maqedonia ditëve të sodit ballafaqohen me kërcënime të reja asimetrike dhe rreziqe që janë në rritje si: terrorizmi, krimi i organizuar transnacional. Këtë konkludim e bëri shefi i Shtatmadhorisë së Armatës së Maqedonisë, Goranço Koteski në konferencën e parë profesionale-shkencore e ARM-së, “MILCON 2012”, me temë kryesore “Procesi i planifikimit dhe sjellja e vendimeve në operacionet bashkëkohore“.
Gjenerali i ARM-së theksoi ndryshimet bashkëkohore që mund të paraqesin kërcënime për sigurinë globale.
“Bota e sotme bashkëkohore karakterizohet me ndryshime të shpejta komplekse dhe dinamike dhe ballafaqohet me kërcënime të reja asimetrike dhe rreziqe që janë në rritje si: terrorizmi, krimi i organizuar transnacional, përhapja e armës për armë masovike, radikalizmi fetar dhe ekstremizmi, migracion ilegal dhe sulme kompjuterike”, tha Koteski shef i SHM-së së ARM-së.
Ai shtoi se sfidat si varësia energjetike dhe ndryshimet klimatike mund të kenë ndikim negativ në sigurimin kombëtar dhe ndërkombëtar.
Të pranishmëve iu drejtua dhe Ministri i Mbrojtjes Fatmir Besimi.
“Integrimi i Republikës së Maqedonisë në NATO dhe BE paraqesin prioritete strategjike të shtetit. Për plotësimin e këtij qëllimi vazhdimisht kontribuohet me përpjekje afatgjate në të gjitha sferat: atë politike, ekonomike, të mbrojtjes, të sigurisë. Maqedonia i plotësoi të gjitha kriteret për anëtarësim në NATO dhe është plotësisht e gatshme për t’i ndërmarrë përgjegjësitë dhe obligimet të cilat dalin nga anëtarësimi në Aleancë” – tha Ministri i Mbrojtjes Besimi.
Përfundimet që do të dalin nga kjo Konferencë planifikohet të sistematizohen dhe të transformohen në një dokument që do të përcakton drejtimin e veprimtarisë konkrete të institucioneve të Republikës së Maqedonisë. /Portalb