Papa Françesku ka falënderuar kryeministren e Bangladeshit Sheik Hasina për pranimin e refugjatëve nga Arakani i Mianmarit, raporton Anadolu Agency (AA).
Zyra për media e Vatikanit deklaron se Papa ka përgatitur një pritje për kryeministren Hasina, e cila më vonë u takua me Sekretarin e Shtetit të Selisë së Shenjtë, Kardinalin Pietro Parolino.
Në takime u diskutuan marrëdhëniet dypalëshe por edhe vizita e fundit e Papës në Bangladesh.
Papa Françesku dhe zyrtarët e Vatikanit shprehën mirënjohje për Bangladeshin për pranimin e muslimanëve nga Arakani.
Gjithashtu është shprehur dëshira për arritjen e një zgjidhjeje të drejtë dhe afatgjate e cila do t’i jepte fund vuajtjeve të muslimanëve të Arakanit.