Agjentë të Byrosë federale hetuese (FBI) në vitin 2016 demonstruan antagonizëm ndaj presidentit Donald Tramp në periudhën derisa ishte kandidat për funksionin, ceket në raportin e Kongresit të SHBA-së.
Sipas Raportit të komisionit të Senatit për siguri të brendshme, dy agjentë të FBI-së këmbyen rreth 50.000 porosi elektronike në të cilat shprehin simpati ndaj kandidates së atëhershme të dmeokratëve për funksionin e presidentit.
Në atë kohë ishte aktiv hetimi kundër Klintonit për shkak se derisa ka qenë sekretare amerikane e Shtetit ka shfrytëzuar server privat për dërgim të e-maileve zyrtare. Mediumet amerikane theksojnë se mu ai hetim ka kontribuar për humbjen e saj në zgjedhjet presidenciale në nëntor të vitit 2016.
Republikanët e akuzuan FBI-në se i kanë shfrytëzuar të gjitha mjetet për të dëshmaur se Tramp është zgjedhur falë përzierjes ruse.
Sipas Komisionit të Senatit, i kontrolluar nga republikanët, porositë elektronike çojnë në mendimin se ish-drejtori i FBI-së, Xhejms Komi, që në korrik të vitit 2016 vendosi të mos fillojë hetim penal kundër Hilari Klintonit, përkatësisht edhe para se ta marrë në pyetje, ndërkaq presidenti ia tëhershëm – demokrati Barak Obama, është e mundur të ketë ndikuar në hetim, duke pasur parasysh atë që ka kërkuar të “dijë gjithçka” për rrjedhën e tij.
“SMS-të e reja të FBI-së janë BOMBË”!, shkroi Tramp në Tuiter pas Raportit të Kongresit.