Parakusht për hyrje në NATO dhe në BE është që emri të zgjidhet në mënyrë në të cilën do të përjashtohet çdo lloj i irredentizmit, porositi presidenti grek Prokopis Pavllopulos nga Larisa, duke folur para pjesëtarëve të aviacionit grek.
Prokopis Pavllopulos, lajmëron korrespondenti i MIA-s nga Athina, konsideron se “emri i sotëm i njohur edhe nga vende të tjera, qartë rrezaton irredentizëm”.
“Kërkesat e njëjta të bashkësisë ndërkombëtare të NATO-s dhe të Bashkimit Evropian tregojnë se emri rrezaton irredentizëm. Dhe ky është realitet. Ky vend, të cilin ne e duam për aleat, për mik dhe në NATO dhe Bashkimin Evropian, duhet të zgjedhë. Dëshiron perspektivë? Nëse dëshiron do të duhet t’i bëjë ndryshimet e domosdoshme në të gjithë rendin juridik, duke filluar nga Kushtetuta e saj, ku do të ekzistojë ndryshim të emrit të saj dhe gjithsesi ky ndryshim do të ndiqet edhe me garanci që e përjashtojnë irredentizmin edhe lidhur me kufijtë edhe lidhur me kombësinë, dhe lidhur me gjuhën”, tha Prokopis Pavllopulos.