Me zurla dhe tupana rreth 100 persona kanë protestuar përpara zyrës së Bashkimit Evropian në Shkup, për lirimin e deputetit të paraburgosur nga VMRO-DPMNE, Kërsto Mukoski, njofton Portalb.mk.
Atmosfera e protestës, që ka arritur ta sigurojë “Civil”, më shumë i ngjanë një dasme ku krushqit vijnë për ta marrë nusen, se sa një revolte për të kërkuar lirim nga paraburgimi.
Protestuesit kanë mbajtur bluza me fotografinë e Mukoskit dhe pankarta ku shkruhet “Liri për Kërsten”, “JeSuisKërsto”.
Ndryshe, deputeti Mukoski është paraburgosur për shkak të hapje së dyerve të Kuvendit më 27 prill, që të hyjnë dhunuesit.
