A e keni parë Momon?
Fotografi kanadez Andrew Knapp e mbush llogarinë e tij në Instagram me foto udhëtimesh që i bën bashkë me qenin e tij besnik. Pyetja më e zakontë që Knapp bën në postimet e tij është: “Ku është Momo?” e ndjekësit e fotografit duket se argëtohen shumë nga kjo ‘lojë’ ku ata përpiqen të gjejnë ku është fshehur këtë herë qeni, pas ndonjë shkurreje apo pas një makine të parkuar aty pranë.
Të udhëtosh me një qen nuk është fort e lehtë por mesa duket Knapp ja del më së miri. Në intervista ai ka thënë që duke udhëtuar me Momon ai nuk mundet të bëjë disa gjëra kështu që duhet të bëjë të tjera e janë pikërisht këto gjërat e tjera që i kanë ndryshuar jetën.
Pasi udhëtuan Amerikën e Veriut me makinë, tani dyshja janë në Europë dhe Momo bëri udhëtimin e tij të parë me avion për në Portugali.
Instagrami, në fakt, është i mbushur plot me profile kafshësh që menaxhohen nga pronarët e tyre. Shumicën e këtyre adresave unë i ndjek pasi, të them të drejtën, më zbukurojnë ditën teksa unë jam scrolling dhe shikoj një qenush të bukur që po shijon udhëtimin e tij. Ja ku po ju tregoj disa llogari që duhet t’i bëni patjetër follow:
· Andrew dhe Momo (@andrewknapp & @momosface)
Cooper (@littlecooperbear)
Maria dhe Yoda (@mariavanonen)
Theron dhe Maddie (@thiswildidea)
Jasper (@jaspywoof)
Aspen (@aspenthemountainpup)
Loki (@loki_the_wolfdog)
Nuk e di për ju por unë do t’i hap një Instagram qenushit tim (sapo ta marr) e do udhëtoj me të kudo.
Burimi: Revista Class.