Futbollisti shkupjan Besir Demiri, i cili sapo kishte ndërprerë kontratën me Vardarin, ka arritur të nënshkruaj kontratë me ekipin Mariupol nga Ukraina. Ky është transferimi parë i Demirit jashtë vendit, i cili në vend nga skuadra e FC Shkupit kaloi te Shkëndija e Tetovës, që më pas të bëhet pjesë e Vardarit.
Transferimin e Demirit në Ukrainë e mundësoi Shaqir Rexhepi, ish-futbollist i shumë klubeve në vendin tonë dhe anëtar i reprezentacionit të Maqedonisë (grupmoshat e reja), i cili tani ka vazhduar punën e menaxherit. Demiri është futbollisti i dytë që brenda 24 orëve është larguar nga Vardari, pasi që më parë Boban Nikollov u transferuar te Videoton. /Portalb.mk/