Kadri Veseli tregoi se Presidenti Hashim Thaçi do të raportojë në Kuvend të premten.
Kadri Veseli pas mbledhjes së Kryesisë së Kuvendit tha se të premten në orën 13 e 30 Presidenti Hashim Thaçi mban fjalimin vjetor para deputetëve.
Veseli tha se “opozitllëk në çështjet shtetërore nuk mund të ketë”, duke folur për kundërshtimin që opozita po i bën zgjedhjes së Xhavit Halitit kryesues të Komisionit për Stabilizim-Asociim.
Veseli komentoi edhe deklaratat e Avdullah Hotit që pozita po shkel rregulloren e Kuvendit. Tha se Hoti nuk i njeh rregulloret.