SHBA: Senati e miratoi reformën e taksave

Senati i Shteteve të Bashkuara e ka miratuar atë që është përshkruar si rishkrimi më gjithpërfshirës i legjislacionit amerikan për taksa në më tepër se tri dekada, transmeton REL.

Legjislacioni është miratuar mbrëmë vonë, me 51 vota për dhe 48 kundër, ndërsa protestuesit në galerinë e Senatit kanë brohoritur kundër këtij legjislacioni. Pas kësaj ata u detyruan të largoheshin nga salla.

Dhoma Përfaqësuese, disa orë më herët, e miratoi këtë masë me 227 vota për dhe 203 kundër.

Republikanët e kanë shumicën në të dy dhomat e Kongresit të Shteteve të Bashkuara.

Për miratim përfundimtar, legjislacioni duhet të miratohet përsëri në Dhomën Përfaqësuese, sonte më vonë.

Nëse kalon, siç pritet, atëherë kjo do të ishte fitorja e parë madhore legjislative e presidentit amerikan, Donald Trump, prej janarit të këtij viti kur filloi presidenca e tij.