Në një plaçkitje që ka ndodhur sot në mëngjes, nën kërcënimin e armës nga një i punësuar në bastoren në Gostivar janë marrë sasi e madhe e parave.
Sipas SPB Tetovë, plaçkitja është denoncuar mëngjesin e sotëm rreth orës 9. Nga informacionet e para pas ekspertizës që e kanë kryer nga stacioni policor i Gostivarit, një person i panjohur me kapelë të maskuar ka hyrë në bastoren e “Sport-lajf”, e cila ndodhet në qendër të qytetit. E ka kërcënuar të punësuarin dhe ia ka drejtuar pistoletën, pas së cilës ka kërkuar që t’i jepen paratë.
Burri i panjohur me paratë është larguar me shpejtësi, pas së cilës i ka humbur gjurmët. Nga SPB Tetovë informojnë se punojnë në vërtetimin e identitetit të plaçkitësit, vlerën e parave që janë marrë dhe veçoritë tjera rreth kësaj ngjarje.
Ndërkaq mbrëmë, në orën 22:00 në Shkup, në rrugën “Maxhari”, dy burra të panjohur me një kërcënim me pistoletë kanë marrë 151.500 denarë nga qarkullimi ditor në bastoren “Sport Life”.