Dueli mes dy boksierëve të pamposhtur të kategorisë së rëndë, Anthony Joshua dhe Joseph Parker është çdo herë e më afër të ndodh.
Joshua pritet të ndeshet në një spektakël me Parker, që planifikohet të mbahet në stadiumin e klubit të futbollit, Barcelona, ku mund të futen 100.000 tifozë, transmeton Periskopi.
Promotori i Joshuas, Eddie Hearn tash së fundi ka pranuar se “dueli nuk është shumë larg” dhe se vetëm kanë filluar të shikojnë për vendin.
Të dy boksierët do të futeshin në këtë duel si të pamposhtur dhe me tituj botëror, por pritet që Joshua të fitojë më shumë në anën financiare.