Në Bruksel sot po mbahet samiti i partneritetit lindor të BE-së, me pjesëmarrje të anëtareve të Unionit dhe gjashtë vendeve nga Evropa Lindore – Azerbajxhani, Bjellorusia, Gjeorgjia, Armenia, Moldavia dhe Ukraina.
Bashkimi Evropian e thirri Samitin që të bisedohet për perspektivën evropiane të atyre shteteve, ndërsa nga masat konkrete pritet të nënshkruhet marrëveshje për partneritet me Armeninë.
Presidenti bjellorus Aleksandar Lukashenko refuzoi të marrë pjesë në Samit, ndërsa vendi i tij do të prezantohet nga ministri i Punëve të Jashtme Vladimir Makei.
Krahas liderëve të tjerë të BE-së, në Samitin në Bruksel do të marrë pjesë edhe kancelarja teknike gjermane Angela Merkel, e cila po përballet me krizë politike pas mosarritjes të formojë Qeveri të koalicionit.
