Të gjithë ata që po largohen për një arsye apo tjetër nga Barcelona, duket se shumë shpejtë po pendohen për veprimin e tyre dhe po presin mundësinë e dytë për t’u kthyer atje, shkruan Sovrani.info.
Por, jo gjithmonë mundësia e dytë troket në derë. Në të njëjtën situatë është playmakeri i Bayern Munichut Thiago Alcantara i cili ka deklaruar se dëshiron që një ditë të rikthehet në ‘Camp Nou’.
“Barcelona gjithmonë do të jetë shtëpia ime, jo vetëm se e dua klubin, por edhe qytetin.”, tha fillimisht Alcantara për ‘Catalunia Radio’.
“Gjithmonë e shikoj Barcelonën me afeksion të veçantë. Nuk e di nëse do të rikthehem sepse jam i lumtur tek Bayerni, por futbolli ka ndryshuar shumë. Gjithçka mund të ndodhë.”
“Kam rinovuar kontratën vitin e kaluar me mendimin për të qëndruar më gjatë.”, shtoi në fund spanjolli.
Alcantara iu bashkua Barcelonës si një 14 vjeçar duke kaluar nëpër sektorët e të rinjëve dhe debutoi me skuadrën e parë në vitin 2009.
