Petre Shilegov së shpejti dhe zyrtarisht do ta merr në duar udhëheqjen e qytetit të Shkupit, ku mes veprimeve të para që do të bëjë është ndërprerja e të gjitha ndërtimeve të projektit “Shkupi 2014” mes të cilëve edhe vendosjen e Rrotës panoramike në ujërat e Vardarit, njofton Portalb.mk.
Shilegov theksoi se një objekt i tillë do të ishte shumë i dëmshëm për lumin vardar i cili është njollosur nga të gjitha ndërtimet që janë bërë, dhe nuk mund të lejohet ndërtimi i Rrotës panoramikë, por ndërtimi i deritanishëm do të mbetet si urë kalimi për udhëtarët që është edhe e nevojshme.
Marrëveshjet e nënshkruara me kompanitë ndërtuese do të shqyrtohen dhe nëse është e mundur Rrota panoramike p.sh. mund të vendoset në parkun e qytetit të Shkupit, që është vend më përkatës.
Rrota panoramike ka sistem të komplikuar të financimit, është miratuar nga qyteti i Shkupit, e ndërton Ndërmarrja e Transportit Publik që duhej të menaxhojë, ndërsa paratë i jep qeveria përmes Agjencisë së Komunikimeve Elektronike.
Deri tani qeveria e re gjëja e vetme që ka bërë është ndalimi i transferimeve nga buxheti shtetëror, mirëpo ndërkohë qyteti i Shkupit transferonte shuma parash te Ndërmarrja e Transportit Publik që thonin se janë për ndërtimin e sistemin e ri elektronik, e jo për ndërtimin e Rrotës panoramike.