Burrel: digjet flamuri i Maqedonisë
Në qytetin e Burrelit është djegur flamuri i Maqedonisë. Gjatë një marshimi-proteste në qendër të qytetit Burrel qindra të rinj kanë hedhur parulla anti-maqedonase, të indinjuar nga zhvillimet e fundit në vend.
Ky veprim i te rinjve matjanë vjen pas incidenteve ndëretnike në Maqedoni, që filluan me vrasjen e dy të rinjëve shqiptar nga një polic maqedonas dhe që vazhduan me incidente mes të rinjve nga dy komunitetet shumicë. Revolta sipas mediave shqiptare është rritur pas postimit në youtube të një xhirimi ku dy persona djegin flamurin shqiptar.
