Tërmet me intensitet prej 6,3 ballësh sipas shkallës Rihter është regjistruar sot në pjesën veriore të Kilit, kumtoi Instituti gjeofizik amerikan.
Lëkundja ka qenë në thellësi prej 82 kilometrash nën sipërfaqen e tokës, me epiqendër 73 kilometra në lindje të qytetit Arika.
Tani për tani nuk ka informacione për viktima apo dëm të shkaktuar material, ndërsa nuk është lëshuar as paralajmërim për paraqitje të mundshme të cunamit.