Eco Guerilla: Deklarata për Jugohromin, propagandë parazgjedhore

Pas deklarët që e dha lideri i LSDM-së Zoran Zaev në Tetovë se do të nënshkruajnë marrëveshje me pronarin e sindikatës për ndërtimin e filtrave në Jugohrom dhe të fillojë me punë në mars, reagojnë nga Shoqata Civile Eco Guerilla. Ata vlerosojnë se kjo është propagandë parazgjedhore sepse vendosja e filtrave shkon më së shumti dy vite, njofton Portalb.mk. 

“Eco Guerilla e vlerëson si propagandë parazgjedhore deklaratën e kryeministrit Zoran Zaev se Jugohrom do të fillojë me kapacitet të plotë pune me vendosjen e filtrave në muajin mars. Tetova u rradhit si qyteti më i ndotur në Evropë. Me mbylljen e Jugohromit u vërtetua bindshëm që qyteti i Tetovës dhe rrethina janë 60% më pak të ndotur. Klasa politike e cila toleroi helmimin masiv të tetovarëve me vite duhet të mbajë përgjegjësinë më të madhe në histori. Siç është i njoftuar edhe vetë kryeministri, një kombinat aq i madh, për të punuar me kapacitet të plotë, vendosja e filtrave kërkon një afat minimum prej dy vitesh. Deklaratat se mund të fillojë me punë në muajin mars i cilësojmë si joserioze. Çdo improvizim kozmetik do të jetë i papranueshëm. Kërkojmë fuqishëm një inspektim të rreptë me përmbushjen e të gjitha standardeve ekologjike me zero tolerancë. Në të kundërtën reagimi qytetar do të jetë i ashpër. Kthim prapa nuk ka, shëndeti i qytetarëve mbi të gjitha”, thuhet në kumtesën e Eco Guerillas.

Ja deklarata e kryeministrit dhe liderit të LSDM-së, Zoran Zaev.

“Të martën me dhjetë tetor Qeveria do të nënshkruajë marrëveshje me pronarin e sinkitatës së të punësuarve për ndërtimin e filtrave në Jugohrom, për të mirën e të gjithëve, për të mirën e të punësuarve, në të mirën e shoqatave ekologjike”, ka thënë Zaev.

Lajme të ngjashme

Leave a Reply

Your email address will not be published. Required fields are marked *

Back to top button