Gratë, të cilat rregullisht konsumojnë portokaj, grejpfrut dhe limon, kanë 20 për qind më pak rrezik të pësojnë sulm në tru, tregon një hulumtim britanik.
Efekt i njëjtë është edhe nëse pinë lëngje të freskëta nga këto pemë.
“Çelësi i suksesit qëndron në përbërësit natyral të antioksiduesve, të cilët ulin tensionin e gjakut dhe nivelin e kolesterinës. Në këtë mënyrë iu ndihmojnë artereve”, shpjegon Odin Kasidi, udhëheqës i ekipit të mjekëve.
Hulumtimi synon të sqarojë lidhjen ndërmjet flavonoideve të pemëve jugore dhe trurit të gruas.
Edhe pse ushqimet tjera janë të pasura me flavonoid, sidomos vera e zezë, efekti i tyre nuk është në këtë masë kaq të madhe.
Në fakt, marrja e të gjitha ushqimeve, me përjashtim të pemëve jugore, nuk ka sjellë në masë aq të madhe deri te ulja e rrezikut, andaj ky studim është shumë i rëndësishëm.
Mjekët britanikë rekomandojnë gratë që të konsumojnë sa më shumë portokaj, grejpfrut dhe limon, sidomos nëse rrezikohen të pësojnë sulm në tru.