Ndërtimi i Filarmonisë së Maqedonisë , që kushtoi rreth 40 milion euro nuk është paguar krejtësisht. Shteti ju ka borxh edhe 15 milionë euro atyre që kanë kryer punime, borxh që ministri i ri, Robert Allagjozovski duhet ta paguajë nga ish ministrja, Elizabeta Kançevska-Milevska, njofton Portalb.mk.
Allagjozovski sot është ankuar se ka borxhe shumë të mëdha në Ministrinë e Kulturës nga ish ministrja.
Ndër marrëveshjet e mëdha që janë bërë midis Ministrisë së Kulturës dhe të tjerëve, që nuk korrespondojnë me lartësinë e detyrës, ka qenë marrëveshje prej 200.000 denarë për orkestrimin e Filarmonisë së Maqedonisë. Në këtë institucion janë bërë marrëveshje prej mbi 30.000 denarë pa nënshkrim të tenderëve që është e palejueshme sipas ligjit.
Allagjozovski theksoi se vetëm për koktelin gjatë hapjes së ndërtesës janë harxhuar 10.000 euro.