Presidenti amerikan, Donald Trump dhe homologu i tij koreano-jugor Moon Jae-In janë angazhuar për të ushtruar “një presion më të fortë” ndaj Phenianit, njoftoi sot Seuli një ditë pas lëshimit të raketës balistike koreano-veriore.
Këshilli i Sigurimit të OKB miratoi të hënën në mënyrë unanime një rezolutë të re me sanksione për të nxitur Korenë e Veriut për të hequr dorë nga programet e saj balistike dhe bërthamore.
Kjo rezolutë i jep përgjigje nisur nga faktet, se pavarësisht sanksioneve që janë miratuar tashmë, Pheniani realizoi më 3 shtator testin e gjashtë bërthamor dhe lëshoi në korrik dy raketa ndërkontinentale.
Në një bisedë telefonike, Moon edhe Trump dënuan ashpër testin e fundit balistik që u shënua të hënën nga ana e Koresë së Veriut.