Grupe ushtarake të mbështetura nga SHBA-ja, kanë thënë se janë sulmuar sot nga avionët rusë dhe forcat qeveritare siriane, në provincën kufitare të Sirisë, Deir al-Zour.
Shtetet e Bashkuara dhe Rusia, mbështesin ofensiva të ndara në konfliktin e shumë-anshëm të Sirisë, me të dyja palët që përparojnë kundër grupit ekstremist, Shteti Islamik, në rajonin lindor, në kufi me Irakun.
Ndërsa, sulmet e ndara nga Qeveria siriane, të mbështetura nga Rusia dhe Forcat Demokratike të Sirisë, që mbështeten nga SHBA-ja kanë ngjallur frikën për përplasje që mund të përfundojnë në tensione midis të dyja fuqive botërore.