Në Ndihmën e shpejtë në Kumanovë alarmojnë se kohëve të fundit , mbase për shkak të kushteve të ndryshueshme klimatike, është rritur numri i pacientëve që kërkojnë ndihmë shëndetësore.
Ajo që bie në sy e që është për tu brengosur është dukuria e paraqitur që ndihmë të shpejt nuk kërkojnë vetëm të moshuarit, porse edhe një numër i madh i të rinjve.
‘Në të shumtën e rasteve intervenimet mjekësore kanë të bëjnë me tensionin e lartë të gjakut, kurse si pasojë e kësaj të shpeshta janë infarktet edhe atë kryesisht tek gjeneratat e reja’ deklaroi Valentina Todorovska , mjeke në ndihmën e shpejtë në Kumanovë.
Todorovska apelon të kihet kujdes me shëndetin sepse kufiri i moshës ka lëvizur dhe dukuria e infarkteve nuk është vetëm tek të moshuarit por edhe tek të rinjtë.
Andaj, porosit që edhe të rinjtë të bëjnë kontrollet e rregullta mjekësore edhe atë të kontrollojnë glikeminë, holesterolin dhe tensionin e gjakut, me qëllim të parandalimit të situatave të padëshiruara , tha Todorovska.
/portalb/