Kroacia planifikon formimin e një agjencie të veçantë për antiterrorizëm, sipas shembullit të komandës britanike për luftë kundër terrorizmit në kuadër të Skotland Jard, me çka Zagrebi do të mund të ketë shërbimin më të fuqishëm sekret në rajon, publikoi gazeta e Zagrebit “Ekspres”.
Sipas gazetës, ky shërbim i ri do të ketë karakteristika të ngjashme me Agjencinë Qendrore amerikane CIA dhe në të do të bashkohen veprimtaritë sekrete, investiguese dhe operative antiterroriste, që deri tani janë të shpërndara në disa agjenci dhe ministri.
Gazeta citon se qëllimi i një plani të tillë është përmirësimi i sistemit të sigurisë në Kroaci, me çka do të fitohet një shërbim i vetëm i pajisur dhe i trajnuar për antiterrorizëm.