Ministri i Mbrojtjes i Republikës së Maqedonisë Fatmir Besimi prej sot do të qëndrojë për vizitë pune në Shtetet e Bashkuara të Amerikës.
Në Uashington, kumtoi Ministria e Mbrojtjes, Besimi do të realizojë takim me sekretarin e Mbrojtjes të SHBA-ve Leon Paneta. Pritet që gjatë bisedimeve të bëhet fjalë për bashkëpunimin e frytshëm bilateral në sferën e mbrojtjes mes dy vendeve, ndërsa do të konfirmohet edhe përpjekja e shtetit për implementimin e reformave të vazhdueshme në sferën e mbrojtjes dhe të sigurisë, si dhe përpjekja për kompletimin e procesit për integrimin evroatlantik.
Në Pentagon do të shkëmbehen edhe mendime lidhur me pritjet nga samiti i ardhshëm i NATO-s në Çikago dhe integrimet e Republikës së Maqedonisë në Aleancën Veriatlantike. /portalb/
Ministri Besimi për vizitë pune në Uashington
![Ministri Fatmir Besimi për vizitë në SHBA](https://i0.wp.com/arkiv.portalb.mk/wp-content/uploads/2014/05/B0E94DEFAE1BDEFB0DC78C58A39BF19D.jpg?fit=400%2C281&ssl=1)
Ministri Fatmir Besimi për vizitë në SHBA