Megjithëse është caktuar një takim konsultativ me shefat e grupeve parlamentare, për të caktuar vazhdimin e seancës konstituive, kryesuesi i Kuvendit Adem Mikullovci tashmë e ka caktuar vazhdimin e seancës për të enjten.
“Të mërkurën e kemi takimin konsultativ. Seanca do të mbahet të enjten në orën 10:00. Seanca që do të mbahet të enjten, është caktuar javën e kaluar”, tha Mikullovci, transmeton Telegrafi.
Në rend dite është vetëm një pikë – zgjedhja e kryetarit dhe nënkryetarëve të Kuvendit.