Sipas mediave kosovare beteja politike aktuale në vend po zhvillohet nga dy figura të rëndësishme sic janë dy ish komandantët e Ushtrisë çlirimtare të Kosovës, Kadri Veseli dhe Ramush Haradinaj.
Kadri Veseli dhe Ramush Haradinaj të enjten e 3 gushtit do të dëshmojnë nëse kanë siguruar numrat e nevojshëm në Kuvend. Kështu nis analiza e mediave kosovare për atë që pritet të ndodhë në Kosovë javën e ardhshme, ku pritet të mblidhet parlamenti i cili do të votojë të emëruarit për kryetar parlamenti dhe kryeministër. Pikërish taë ditë do të shihet nëse ish-eprorët e lartë të UÇK-së do arrijnë të fitojnë “betejën” për t’u zgjedhur në krye të legjislativit dhe të ekzekutivit
Rezultatet e zgjedhjeve të 11 qershorit i mundësojnë kandidatit të koalicionit parazgjedhor PAN për kryeministër, Ramush Haradinaj, që të bëjë përpjekjen e parë për formimin e Qeverisë së Kosovës. Por, në anën tjetër përfaqësuesit e koalicionit tjetër parazgjedhor LAA-së e shohin si shans të fundit të Haradinajt, pasi sipas tyre, projekti i PAN-it ka dështuar ende pa filluar. “Vetëvendosja” këmbëngul se Haradinaj është në disavantazh pas kundërshtimit të LVV-së dhe LAA-së. E ky i fundit tashmë është i vendosur që nga ky koalicion nuk do të ketë votë pro Haradinajt. Kurse analistët e çështjeve politike në vend thonë se avantazh për Haradinaj është shansi i parë për të formuar Qeverinë, por tashmë ajo që ka më rëndësi është vetëm formimi i institucioneve.