Dramë në Serbi, ushtari i shpëton mbytjes (VIDEO)
Evakuime masive, dëme të pallogaritshme dhe vetëm ujë. Përmbytjet vazhdojnë të mbajnë të paralizuar Serbinë. Më i goditur është qyteti i Obrenovacit, pranë Beogradit.
Në këtë video të xhiruar nga një prej banorëve të Komunës Rakovica të Beogradit, duket se një ushtar serb e ka parë veten keq kur automjeti më të cilin ai ishte po merrej nga uji.
Autoritetet lokale janë në garë kundër kohës duke u përpjekur për të riparuar dëmtimin e një dige që mbron shtratin e lumit Sava. Nga zonat kritike të qytetit janë evakuuar më shumë se 4 000 njerëz.
LEXO: Përmbytja e madhe në Serbi, kryeministri shpëton fëmijë (VIDEO-FOTO)
Sipas vlerësimeve, nëse lumi Sava del nga shtrati, ndërtesat në Obrenovac do të përmbyten deri në katin e tretë. Për një natë të gjatë, po përgatitet edhe qyteti Shabac. Diga shtesë janë ngritur përreth Savës për t’i bërë ballë nivelit të ujit prej 7 metrash. Në matjen e fundit niveli i lumit ishte 6,3 m, niveli alarm për mbrojtje të jashtëzakonshme nga përmbytjet. Vala vërshuese nga Kroacia pritet gjatë natës.
