Ish presidenti i Kosovës dhe ish kryetari i LDK-së, Fatmir Sejdiu ka kërkuar që të ketë dorë në caktimin e kandidatëve të LDK-së për deputetë në zgjedhjet e parakohshme të 8 qershorit.
Burime të Indeksonline thonë se këtë Sejdiu e ka kërkuar edhe për të bërë një far paqe me kreun aktual të LDK-së, Isa Mustafa.
Të njëjta burime konfirmojnë se LDK-ja aktualisht është nën tension sa i përket listës për deputetë. “Sot është dashur të mbahej mbledhja e Këshillit të Përgjithshëm, por për shkak te tensioneve është shtyrë për nesër. Kishte pakënaqësi të kandidateve lidhur me renditjen në listë”, ka thënë ky burim.