MPB njofton se dje rreth orës 15:00 ka ndodhur një incident në Gostivar, ku një person i panjohur pjesëmarrës në dasmë, ka gjuajtur me pistoletë disa plumba në ajër, gjatë së cilës e ka plagosur një person tjetër, njofton Portalb.mk.
“Më 16.07.2017, rreth orës 15:00, në Stacionin Policor në Gpostivar, nga ana e Qendrës Medicinale – Gostivar, është paraqitur se është sjellë C.Gj. (31) nga fshati Tmçevishtë-Gostivar, me lëndime nga arma e zjarrit në pjesën e nofullës. Pasi i është dhënë ndihma përkatëse mjekësore, i lënduari është transferuar në Qendrën Klinike në Shkup”, thonë nga Polica.
Sipas Policisë, prokurori ka dalë në vendngjarje ku është konstatuar se në Gostivar, në rrugën “Mara Ugrinova”, një person i panjohur, pjesëmarrës në dasëm, për një moment ka nxjerrë armë zjarri dhe i ka shkrepur disa plumba në ajër, gjatë së cilës njëri plumb ka goditur në hapësirën e asfaltit dhe e ka lënduar personin C.Gj.
Policia thotë se po i ndërmerr të gjitha masat për pastrimin e rastit.