Lucas Biglia do ta veshë fanellën e Milanit sezonin a ardhshëm, shkruan “Express“, përcjell Portalb.mk.
Milan ka arritur marrëveshje me Lazion për transferimin e mesfushorit, Lucas Biglia, i cili do të kushtojë 17 milionë euro Kuqezinjve.
Në sajtin zyrtar të Gianluca Di Marzio raportohet se Biglia do të largohet të premten nga kampi stërvitor i Lazios për të kompletuar transferimin te Milano.
Raportohet se marrëveshja është arritur pas bisedimeve në telefon mes presidentit, Claudio Lotito dhe drejtorit të Milanit, Marco Fassone.
Biglia ka qenë synim i Milanit gjatë gjithë verës, por hezitonin të arrinin marrëveshje për shkak se Lazio kërkonte 20 milionë euro.
