Ish-drejtoresha dhe anëtarja e bordit të kompanisë së investimeve në Wall Street, “Dillon, Read & Co.”, si dhe asistentja në departamentin amerikan të Zhvillimit gjatë administrimit të George W. Bushit, Catherine Austin Fitts, ka fole në publik për një bisedë shokuese që e ka dëgjuar në vitin 1984.
Duke punuar në Wall Street, ajo ka dëgjuar bisedën sekrete të menaxherëve që kanë thënë se si teknologjia subkoshiencës duhet të shpërndahet përmes valëve televizive .
Ajo dha një intervistë për një portal amerikan ku thotë se pas kësaj bisede ka hedhur televizorin nga shtëpia e saj, transmeton Telegrafi.
Ajo paralajmëroi se sot nuk është vetëm televizioni që përdoret për “programim” të publikut. Ajo paralajmëron se teknika ka avancuar shumë dhe se njerëzit duhet të jenë të vetëdijshëm se ndikohen përmes telefonit celular, radios dhe internetit.
Fitts tha se kompanitë financiare kanë përdorur që shumë kohë teknikat e subkoshiencës që u ndihmojnë për të bindur njerëzit për çfarëdo që duan e ata të mos jenë të vetëdijshëm për këtë. /Telegrafi/