Negociatori grek për çështjen e emrit, Adamantios Vasilakis pas takimeve me ndërmjetësuesin Metju Nimic dhe të kolegut maqedonas Zoran Jolevski për mediat greke ka thënë se “Greqia do zgjidhje, por pala tjetër nuk ka bërë asgjë deri tani dhe mbetet në pozitat e vitit 1995”.
Vasilakis në deklaratën për Agjencinë greke “ANA-MPA”, siç transmeton Makfaks, ka shtuar se nuk ka dallime në pozitat e Maqedonisë.
Ndërmjetësuesi Metju Nimic pas takimit të përbashkët të martën në Njujork thërret të dy palët që “seriozisht të mendojnë se a ekzistojnë mënyra të reja për zgjedhjen e kësaj çështje”. Nimic gjithashtu ka paralajmëruar intensifikim të procesit gjatë verës, ndërsa vizita e tij në rajon do të jetë kah fillimi i korrikut.