Ligji i ri për gjuhë duhet që ta avancojë gjuhën shqipe nga përdorimi zyrtar në nivel lokal, në përdorim zyrtar në nivel qendror, deklaroi zëdhënësi i BDI-së, Bujar Osmani, njofton Portalb.mk.
“Thelbësisht avancimi që duhet të vijë nga ky propozim-ligj është që nga përdorimi lokal në nivelin qendror, gjuhën shqipe ta transformojë në përdorim zyrtar në institucionet qendrore. Këtu qytetarët do ta shohin dallimin”, tha Osmani.
Ai shtoi se ligji do të miratohet për disa javë ose muaj, duke shpresuar se do ta përkrahin partitë parlamentare.