Kanë mbetur vetëm dy ditë deri në hapjen zyrtare të sheshit “Skënderbej”, të shtunën, më 10 qershor. Gjithçka duket deri tani nga fotot e postuara në rrjetet sociale, ka marrë tjetër formë. Kryetari i bashkisë së Tiranës, Erion Veliaj, ka ndarë me publikun në proifilin e tij disa prej momenteve të fundit të sheshit, i cili po bëhet gati të “prezantohet” me kryeqytetasit, shkruan Class.
Duket se “Skënderbej” do të jetë një shesh gjithëpërfshirës. Këtë e ka vënë në dukje edhe kryetari Veliaj. Sot, përmes disa fotove të publikuara në Facebook-un zyrtar, Veliaj ka treguar edhe disa foto nga Altari, një vend i veçantë në shesh, i cili, me shumë gjasa, do të jetë vendi i preferuar i çifteve që do të lidhin kurorë.
“Pas Tarracës së Bashkisë apo Resë te Galeria, vë bast që Altari i ri tek Sheshi Skënderbej do jetë vend i preferuar për ceremonitë martesore…” – shkruan Veliaj në Facebook pas këtyre fotove të postuara. Pse jo?
