Komuna e Strugës, ka publikuar dokumentet të cilët i janë dërguar nga Ministri për Ekologji, Abdilaqim Ademi, vetëm në gjuhën maqedonase.
“Jo më vonë sesa sot, Ministri i Mjedisit, Abdylaqim Ademi, i ‘u drejtua Kryetarit të Komunës së Strugës zyrtarisht vetëm në Gjuhën Maqedonase”, thuhet në komunikatën e komunës së Strugës.
“Letra , përkatësisht përgjigjja/udhëzimi ndaj kërkesës së parashtruar më herët nga ana e Komunës së Strugës përbën një absurd më vete. Nga fotot e dokumentit , që mund t’i shikoni duket qartë se ministri shqiptar sqaron Kryetarin e Komunës së Strugës , poashtu shqiptar, duke i’u referuar dhe një kryetari shqiptar, atij të Komunës së Kërçovës në lidhje me një çështje të rajonit jugperëndimor, në Gjuhën Maqedonase. Ligji sigurisht , që është mangët, por të mangët janë edhe qeveritarët shqiptarë në qeveri. Zakonisht e sidomos në kohë fushatash, funksionarë shqiptarë në qeveri i referohen të arriturave në drejtim të avancimit të Gjuhës Shqipe”, thuhet në komunikatë.