Partia për Prosperitet Demokratik nëpërmjet një komunikate bën të ditur se sot në orët e hershme të mëngjesit gati në të gjitha rrugët e Tetovës persona ende të paidentifikuar kanë hequr banderolat ku kanë qenë të shkruar emrat e kandidatëve për deputetë nga Njësia zgjedhore numër 6.
“Ky akt vandal flet për atmosferën e zymtë parazgjedhore që e krijojnë aktivistët e ndonjë partie politike për të pamundësuar zhvillimin e qetë dhe demokratik të zgjedhjeve presidenciale dhe parlamentare.
PPD është thellë e shqetësuar nga këto akte dhe presione të papara ndaj saj dhe kërkon nga organet përkatëse që të sigurojë atmosferë të qetë dhe demokratike për zgjedhje”, thonë në PPD.