Tridhjetë civilë janë vrarë dje gjatë sulmit të koalicionit antixhihadist, të kryesuar nga SHBA-ja, ndaj qytetit sirian Abu Kamal, në afërsi të kufirit irakian, i cili është nën kontroll të grupit Shteti islamik.
“Ata goditën vend të populluar në rajonin rreth orës tre të mëngjesit, derisa njerëzit ende flenin, për ç’arsye një numër i madh i personave e humbën jetën”, deklaroi drejtori i Qendrës siriane për monitorim të të drejtave të njeriut, Rami Abdel Raman.
Ai shtoi se pjesëtarët e SHI-së kanë përdorur disa nga banesat në rajonin, i cili është goditur si Shtatmadhori lokale.
Nga Qendra kumtojnë se në sulm është goditur edhe automjeti, i cili ka bartur punëtorët në punë.
Ushtria e SHBA-së kumtoi se në sulmet e koalicionit në Siri dhe Irak prej fillimit të operacionit në vitin 2014 pa qëllim janë vrarë 352 civilë. Grupet për mbrojtjen e të drejtave të njeriut megjithatë thonë se numrat janë shumë më të mëdha.