Jim Carrey ka bërë gjithë botën të qeshë me humorin e tij në shumë filma, por postimi i fundit i bërë në rrjetin social “Twitter” ka trishtuar fansat e aktorit, shkruan Top Channel.
Ylli hollivudian thuajse nuk njihet fare në një foto të postuar së fundmi në “Twitter”, ku është shfaqur me flokë të gjata e mjekër të thinjur.
Fansat kanë reaguar menjëherë ndaj kësaj fotografie ku njëri prej tyre shkruan: “Jim Carrey duket shumë i vjetër dhe kjo është e trishtueshme”. Një tjetër shton: “Duhet ta shikoja për 5 minuta këtë foto për të kuptuar që ishte Jim Carrey”.
Ka patur edhe nga ato komente, të cilat e kanë krahasuar Carrey me aktorin e ndjerë, Robin Williams.
