Operacioni ushtarak që zgjat tashmë gjashtë muaj për ndërmarrje të qytetit irakian Mosul nga SHI-ja, ka detyruar rreth gjysmë milionë njerëz që të shpërngulen, kumtoi KB-ja.
Forcat irakiane kanë filluar me operacion të madh ushtarak para gjashtë muajve dhe tash për tash është ndërmarrë vetëm pjesa lindore e qytetit.
“Numri i civilëve që ikin nga Mosuli është shqetësues. Sipas vlerësimeve tona kur filluan luftimet ishte se deri në një milionë njerëz do të largohen nga Mosuli. Deri më tani qytetin e kanë braktisur 493.000 njerëz, duke lënë pothuajse gjithçka prapa tyre”, deklaroi Liza Grande, koordinatore humanitare e KB-së për Irakun.
Forcat irakiane kanë depërtuar thellë në pjesën perëndimore të Mosulit në dy muajt e kaluar. Xhihadistët janë barrikaduar në rrugë të ngushta nga Qyteti i vjetër.
KB-ja konsideron se edhe gjysmë milionë njerëz janë në pjesën perëndimore të Mosulit që është nën kontroll të SHI-së.