Lidhja Demokratike kumtoi se vlerëson se duhet që të funksionojë fronti popullor demokratik, i cili do të mundësojë transferim të qetë të pushtetit dhe do të “përballet me të pasuruarit, narko-bosët dhe oligarkët, të cilët e kanë shembur shtetin dhe shpresën e gjeneratave të reja”, njofton Portalb.mk.
Nga partia e ish deputetit, Pavle Trajanov, thonë se niveli i lartë i krimit i ka djegur institucionet të cilët “u bënë të varura nga strukturat kriminele në kreun partiako-shtetëror’, për shkak të cilëve shteti edhe më tej thellon në krizë dhe pasiguri më të thellë.
“Krimi u bë kategori vlerësuese, dhe jo e keqe me të cilën duhet të përballemi në mënyrë efikase. Me këtë “oktopod” nuk mundemi të përballemi, nëse nuk e “godasim” me çekan në kokë. Fotografi më e mirë për krimin në të cilin ka rënë shteti na dërgon Kuvendi, ku nën strategjinë e krimit të organizuar, bllokohet zgjedhja e kryetarit të Kuvendit dhe zgjedhja e Qeverisë së re të Maqedonisë, pa pasur mekanizma për përgjegjësi të obstruksionuesve të proceseve demokratike”, thuhet në kumtesën e LD-së.
Nga partia gjithashtu ushtojnë se mosdhënia e mandatit për formim të Qeverisë nga presidenti Gjorge Ivanov, edhe më tej është shkelje e Kushtetutës, i cili e keqpërdor detyrën zyrtare, ndërkaq me arsyetimin për atë se pse nuk e jep mandatin, drejtpërdrejt nxit në ndarje dhe papërmbajtshmëri ndërnacionale.